Estás aquí:

Resu Abasolo

— archivado en:

Esta página está disponible en euskera:

Resu Abasolo

Goieskolako (Debagoiena) Zuzendarien bileran ezagutu nuen HOBEST. Diagnosia egiten eta lan dinamika aurkitzen lagundu baitziguten. Geroxeago Aretxabaletako Kurtzebarri BHIko (170 ikasle, 26 irakasle)  Zuzendaritzak ikastetxeko antolaketan somatutako arazoak hobetu asmoz Formakuntza proiektu bat diseinatu zuen Hobesten aholkularitzapean.

Izandako lankidetzaren ondorioz aldaketa asko jarri genituen martxan baina bereziki neuregan profesionalki eta pertsonalki somatutakoa aipatu nahi nuke.

HOBESTek lagundu zidan neure indarguneak aurkitzen eta garatzen. Zuzendariaren funtzioak deskribatuta zeuden dokumentuetan. Ez ordea, funtzio horiek betetzeko modua eta zuzendari izan arren norbera izateko indarra izaten. Zaila egin zitzaidan HOBESTen lan dinamika: fotokopiarik ez, PPTrik ere ez, galdera bakar batzuen inguruan hausnartu lehenengo norberak eta gero besteekin adostu: Zer egiten dut hemen?, Zer da heziketa…..eta poliki poliki erabaki ahala urratsak ematen hasi, beharrezko komunikazio guneak identifikatu eta errespetatu, konexioak ugaritu, betiere erdigunean dagoena gogoratu, pertsonengan sinistu…

Dagoeneko ez naiz zuzendaria, irakaslea naiz, proiektuburua naiz, ama naiz, herritarra naiz, Resu naiz eta sarritan gogoratzen naiz Alfonsorekin eta Albertorekin. Eurekin ikasitako guztiak bizitzarako balio dit.

Resu Abasolo Gallastegi

Kurtzebarri BHIko irakaslea